Kim Kardashian ka luajtur një rol vendimtar në lirimin e një ish-të burgosuri të dënuar me vdekje, duke paguar, sipas raportimeve, dorëzaninë prej 500,000 dollarësh.
Richard Glossip, 63 vjeç, u lirua nga Oklahoma State Penitentiary të enjten, ndërsa pret rigjykimin për vrasje të shkallës së parë, sipas Us Weekly.
Ai ka kaluar më shumë se dy dekada në “death row” dhe ka pasur nëntë data të caktuara për ekzekutim, ndërsa tre herë i është ofruar edhe “vakti i fundit”.
Glossip u shpall fajtor për vrasjen e vitit 1997 në Oklahoma City të ish-shefit të tij, pronarit të motelit Barry Van Treese.
Prokurorët thanë se Van Treese u rrah për vdekje me shkop bejsbolli dhe akuzuan Glossip-in se kishte organizuar vrasjen.
Glossip ka këmbëngulur gjithmonë në pafajësinë e tij, ndërsa në shkurt të vitit të kaluar Gjykata Supreme e SHBA-së e rrëzoi dënimin e tij dhe urdhëroi një rigjykim, pasi prokurorët kishin lejuar dëshminë e një dëshmitari që, sipas pretendimeve, e dinin se ishte e rreme — një vendim i mbështetur nga Kardashian.
