Eksportet e mallrave shënuan vlera pozitive në shkurt të këtij viti, duke prekur vlerën e 35 miliardë lekëve, e cila përkon me rritje 5% në raport me marsin e kaluar.
Por, ritmi i rritjes është ndikuar nga lëndët djegëse dhe tekstilet, pasi prodhimi vendas në pjesën më të madhe të grupmallrave të eksportit nuk ka dhënë hov në zgjerimin e tregtisë.
Sipas INSTAT, rritja e eksporteve të naftës në fillim të këtij viti, ka arritur të mbulojë hendekun e rënies në të gjitha grupet e tjera.
Nga ana tjetër, importet e mallrave ranë afro 2% dhe arritën vlerën e 74 miliardë lekëve, në krahasim me një vit më pare.
Bilancet mes shitjeve dhe blerjeve flasin për një deficit 39 mld lekë, në rënie vjetore 7%.
Në muajin mars, vendet me të cilat Shqipëria ka pasur rritjen më të madhe të eksporteve janë: Kosova, Greqia dhe Gjermania.
Në shkëmbimet tregtare, vendet me të cilat Shqipëria ka pasur rritjen më të madhe të importeve janë, Kina dhe Greqia.
