Dhjetëra fëmijë në një shkollë në Indi janë sëmurur pasi kanë ngrënë ushqim që dyshohet se është kontaminuar nga një gjarpër i ngordhur.
Kuzhinieri në një shkollë qeveritare, në zonën Mokama të Patnës në Bihar — e vendosur në Indinë Verilindore — dyshohet se hoqi një gjarpër të ngordhur nga vakti i tyre i mesditës përpara se t’ua shërbente ushqimin rreth 500 fëmijëve, sipas një njoftimi të Komisionit Kombëtar për të Drejtat e Njeriut (NHRC) .
Agjencia vuri në dukje se po hetojnë pasi mbi 100 fëmijë thuhet se u sëmurën pasi kanë ngrënë vaktin e mesditës.
Midis tyre ishin të paktën 12 persona u shtruan në spital me simptoma që përfshinin “të vjella dhe marramendje”.
Pasi fëmijëve iu shërbye ushqimi i kontaminuar, mësuesit thuhet se e mbyllën shkollën dhe ikën. Policia u detyrua t’i transportonte fëmijët e sëmurë në spital për trajtim.
Fshatarët e zonës, të cilët u zemëruan nga raportimet për fëmijët që u sëmurën për shkak të vakteve falas të mesditës, dyshohet se protestuan duke bllokuar rrugën, tha NHRC.
“Komisioni ka vërejtur se përmbajtja, nëse është e vërtetë, ngre një çështje serioze të shkeljes së të drejtave të njeriut të studentëve”, tha agjencia në një deklaratë.
NHRC shtoi se që atëherë ka “lëshuar njoftime” për disa agjenci qeveritare lokale, përfshirë “Sekretarin Kryesor të Qeverisë së Biharit dhe Mbikëqyrësin e Lartë të Policisë, Patna, Bihar”, duke kërkuar një raport të detajuar mbi incidentin, i cili do të përfshinte një përditësim shëndetësor se si do shkojnë fëmijët, “brenda dy javësh”.
Sipas CNN News 18, mjekët fillimisht nuk gjetën asnjë gjurmë substancash helmuese pasi ata u transportuan në spital.
Kjo nuk është hera e parë që disa nxënës në Bihar të Indisë sëmuren për shkak të ushqimit të kontaminuar. Në vitin 2013, 23 nxënës shkolle vdiqën pasi thuhet se u shërbyen ushqime që testet shkencore zbuluan më vonë se kishin nivele “shumë toksike” të një pesticidi, sipas BBC-së .
Programi i Vaktit të Mesditës në Indi u krijua në vitin 1995 për të ofruar dreka falas për shkollat e financuara nga qeveria në Indi me qëllim përmirësimin e “nivelit ushqyes” të nxënësve, sipas Ministrisë së Arsimit të vendit . Vaktet kërkojnë “një përmbajtje minimale prej 300 kalorish energjie dhe 8-12 gramë proteina në ditë”.
Sipas Kombeve të Bashkuara , vlerësohet se në Indi ka mbi 190 milionë njerëz të kequshqyer dhe “incidenca e varfërisë tani është e llogaritur në gati 30 përqind”.
