Një grua në Shtetet e Bashkuara, e cila u zhduk në vitin 1962, është gjetur “gjallë dhe mirë”, njoftuan autoritetet lokale.
Audrey Backeberg u largua nga shtëpia e saj në Reedsburg, Wisconsin, në korrik 1962 kur ishte 20-vjeçare, tha Zyra e Sherifit të Qarkut Sauk.
Hetuesit kishin disa pista që i kërkuan gjatë viteve, por çështja përfundimisht “u vendos”. Megjithatë, gjatë një shqyrtimi të rastit në fillim të këtij viti, detektivi rivlerësoi të gjitha dosjet dhe provat e çështjes dhe ri-intervistoi disa dëshmitarë dhe gjeti Backeberg.
82-vjeçarja ishte “gjallë dhe mirë”, dhe jetonte jashtë shtetit të Wisconsin, tha zyra e sherifit.
Backeberg ishte e martuar dhe kishte dy fëmijë kur u zhduk më 7 korrik 1962, sipas Shoqatës së Personave të Zhdukur në Wisconsin.
Ajo u largua nga shtëpia për të marrë rrogën e saj, por nuk u kthye më, duke bërë që i shoqi të pyeste familjarët se ku ishte.
Dadoja e tyre 14-vjeçare pohoi se ajo dhe Backeberg shkuan me autostop në kryeqytetin e Wisconsin – Madison, dhe më pas hipën në një autobus për Indianapolis – Indiana. Adoleshentja tha se kur mbërriti, ajo u bë nervoze dhe donte të shkonte në shtëpi, ndërsa Backeberg refuzoi të kthehej dhe u pa për herë të fundit duke ecur pranë stacionit të autobusit.
Martesa e Backeberg ishte e trazuar dhe kishte pretendime për abuzim, sipas një organizate të mbrojtjes së personave të zhdukur në Wisconsin, dhe akuzat penale u ngritën disa ditë para se ajo të zhdukej. Të afërmit e saj këmbëngulën se ajo kurrë nuk do t’i braktiste fëmijët e saj, shtoi organizata, dhe burri i saj kaloi një test poligraf dhe pretendoi se ishte i pafajshëm.
