Volodymyr Zelensky ka deklaruar se vendi i tij është “gati të takojë” përfaqësuesit rusë pasi Vladimir Putin sugjeroi bisedimet e paqes në Stamboll.
Presidenti rus e parashtroi propozimin pasi liderët evropianë e kërcënuan atë me sanksione të reja nëse Rusia nuk përmbushte një armëpushim të pakushtëzuar 30-ditor që fillon të hënën.
Duke reaguar ndaj sugjerimit të Putinit, presidenti i SHBA-së Donald Trump tha se ishte “një ditë potencialisht e mrekullueshme për Rusinë dhe Ukrainën” dhe ai do të “punonte me të dyja palët për t’u siguruar që kjo të ndodhë”.
Zelensky gjithashtu e ka mirëpritur propozimin, por përsëriti thirrjen e tij për një armëpushim, shkruan skynews.“Është një shenjë pozitive që rusët më në fund kanë filluar të konsiderojnë përfundimin e luftës. E gjithë bota e ka pritur këtë për një kohë shumë të gjatë. Dhe hapi i parë në përfundimin e vërtetë të çdo lufte është një armëpushim”, deklaroi ai.
“Nuk ka kuptim të vazhdohet vrasja qoftë edhe për një ditë të vetme. Ne presim që Rusia të konfirmojë një armëpushim – të plotë, të qëndrueshëm dhe të besueshëm – duke filluar nga nesër, 12 maj, dhe Ukraina është gati të takohet.”
