Një 32-vjeçar nga fshati Lazarat është arrestuar nga policia në Gjirokastër, pasi ishte në kërkim prej disa kohësh. Ai ishte dënuar nga Gjykata e Posaçme me 8 vite burg për përfshirje në një grup të strukturuar kriminal dhe kundërshtim të urdhrit të policisë.
Sipas SPAK, të riut i kanë mbetur edhe vetëm 6 muaj burg për të përfunduar dënimin.
Ai ishte në arrati, ndërsa kapja e tij u bë në kuadër të një operacioni të organizuar nga strukturat e Policisë së Shtetit në bashkëpunim me Prokurorinë e Posaçme Kundër Korrupsionit dhe Krimit të Organizuar.
