Daniel Noboa, i cili fitoi balotazhin e zgjedhjeve presidenciale të Ekuadorit më 13 prill, bëri betimin për mandatin 2025-2029, në një ceremoni në Asamblenë Kombëtare në kryeqytetin Quito.
Presidenti 37-vjeçar filloi zyrtarisht mandatin e tij pasi mori brezin presidencial para ligjvënësve dhe personaliteteve të huaja të shtunën vonë. Noboa theksoi se lufta kundër trafikut të drogës dhe krimit të organizuar, do të mbetet një përparësi kryesore dhe tha se qeveria e tij nuk do të ngadalësojë përpjekjet e saj.
Ai gjithashtu nënvizoi se nuk do të ketë tolerancë për korrupsionin dhe se Ekuadori duhet të ecë përpara me unitet dhe vendosmëri.
Në ceremoni morën pjesë Presidenti kolumbian Gustavo Petro, presidentja peruane Dina Boluarte, Sekretari i Shëndetësisë i SHBA-së Robert F. Kennedy Jr., i cili përfaqësonte Presidentin Donald Trump, dhe diplomatë të lartë nga Brazili, Bolivia, Kosta Rika dhe vende të tjera.
Pas ceremonisë, Noboa përshëndeti mbështetësit e mbledhur në Sheshin e Pavarësisë.
