Kancelari gjerman Friedrich Merz ka thënë se furnizimi i Ukrainës me raketa Taurus është i mundur.
Këto komente Merz i bërë gjatë një interviste dhënë për televizionin gjerman ZDF.
I pyetur në lidhje me furnizimin e Ukrainës me raketa Taurus, Merz u përgjigj: “Sigurisht, është brenda mundësive”.
Në të njëjtën kohë, ai shtoi se kjo do të kërkonte disa muaj trajnim për ushtarët ukrainas.
Merz vuri në dukje se transferimi i sistemit brenda gjashtë muajsh ose një viti nuk do t’i sillte dobi Ukrainës sot, kështu që mbështetja ushtarake për Kievin po përmirësohet tani.
Duke folur për sanksione të mëtejshme kundër Rusisë, kancelari tha: “Çdo gjë që mund të bëhet mbi një bazë të sigurt ligjore është e mundur”.
Presidenti ukrainas Volodymyr Zelensky zhvilloi takime në Berlin me kancelarin Federal Friedrich Merz, presidentin gjerman Frank-Walter Steinmeier dhe presidenten e Parlamentit, Julia Klöckner.
