Detaje të reja janë mësuar lidhur me rastin e vrasjes së noteres 69-vjeçare në Zakynthos të Greqisë, nga tre shtetas shqiptarë, babë e bir (54 dhe 20 vjeç) si dhe një bashkëkombës tjetër 50-vjeç.
Ndërsa i akuzuari kryesor i krimit, 54-vjeçari, ka dalë sot para gjykatës, bashkëpunëtori 50-vjeçar ka dëshmuar duke zbuluar detaje. 50-vjeçari ka thënë se 54-vjeçari është personi që e ka goditur për vdekje me thikë noteren, gjatë grabitjes.
Sipas 50-vjeçarit që jetonte në Nemea , ideja për grabitjen ishte e 54-vjeçarit, i cili kishte dëgjuar se 69-vjeçari kishte shumë para dhe ia kishte sugjeruar për herë të parë disa muaj më parë. Shqetësimeve të tij, 54-vjeçari iu përgjigj se “gjithçka do të shkojë mirë, nuk do t’i bëjmë keq askujt”.
Siç zbuloi ai, të dy kishin vëzhguar zonën që do të “godisnin” me 69-vjeçarin si shënjestër një ditë para krimit, ndërsa kishin vëzhguar edhe noteren, të cilën 54-vjeçari i tha se largohej nga zyra e saj çdo natë në orën 8.
Mëngjesin e grabitjes së përgjakshme, 50-vjeçari tha për policinë se e pa 54-vjeçarin, me të cilin punonte në vila që kishte marrë me qira, të merrte një thikë me vete nga një kuzhinë, duke këmbëngulur se “nuk do të ndodhë asgjë”.
