Moderatorja e njohur Maya Jama ka zbuluar detaje për pamjen e saj këtë sezon në “Love Island”, duke treguar se këtë vit ka zgjedhur një stil të frymëzuar nga retroja, me prekje glamuroze që do të rikthejnë elegancën e viteve ‘90. Ajo premton se fansat do ta adhurojnë këtë transformim vizual, i cili do të shoqërohet me një energji të re në ekran.
Por për Mayën, kjo verë do të jetë më e ngarkuara deri tani. Krahas angazhimit të saj si prezantuese në reality show-n e famshëm, ajo është gjithashtu pjesë e një projekti të madh në Netflix, për të cilin ende nuk janë zbuluar shumë detaje.
Ajo pranon se do të jetë “më e lodhur se kurrë më parë”, ndërsa përpiqet të xhonglojë dy projekte të mëdha njëkohësisht.
“Është sfiduese, por emocionuese,” – është shprehur Jama, duke shtuar se puna me dy platforma të mëdha njëkohësisht është një ëndërr që bëhet realitet për të.
Fansat presin me padurim të shohin jo vetëm paraqitjen e saj në “Love Island”, por edhe rolin e saj të ri në botën e serialeve ndërkombëtare.
