Kryetari i FRPD, Besart Xhaferri, ka reaguar ashpër pas valës tronditëse të vetëvrasjeve të regjistruara në Korçë dhe Tiranë gjatë katër ditëve të fundit. Me një deklaratë të fortë, ai akuzon qeverinë se ka braktisur rininë dhe familjen, duke theksuar se vetëvrasja po kthehet në aktin e fundit të revoltës për shumë të rinj që ndihen të braktisur në një realitet pa shpresë, ku eksodi dhe krimi janë, sipas tij, të vetmet projekte që u ofrohen nga qeveria Rama.
Reagimi i plotë:
6 vetëvrasje në 4 ditë në vendin ku eksodi dhe krimi janë vetmet projekte që qeveria ka për rininë dhe familjen!
Në një vend ku eksodi dhe përfshirja në krim janë projekte qeveritare, vetëvrasja mesa duket ka mbetur si akti i fundit i revoltës edhe i shumë të rinjve, që dyert për një mundësi tjetër u janë përplasur në fytyrë nga uzurpatorët e deleguar nga krimi.
Sot një i ri e ka mision të pamundur të krijojë një familje pasi kostot e jetesës dhs rritjes së një fëmije janë rritur në mënyrë drastike në raport me të ardhurat.
Blerja një banese do ta bëjë një të ri peng për 70 -80 vite në bankë pasi Edi Rama ka vendosur që pastrimin e parave në ndërtim ta bëjë një biznes privat ku garantorë janë Banka e Shqipërisë dhe SPAK
Këto janë arsyet që më shtynë që në programin e PD të imlementoja projektin hungarez për strehimin, që parashikonte grant 30 mijë euro për blerjen e banesës parë për çiftet e reja.
Për këtë arsye kërkova që çdo familje që jeton në një zonë që nuk ka shkollë publike të subvencionohet me nga 250 euro për çdo fëmijë që ka në shkollë.
Shqipëria është i vetmi vend në Evropë që nuk ka asnjë politikë mbështetëse për familjen, pasi Edi Rama është ndër armiqtë më të egër të institucionit familjes.
