Kandidati i Partisë Demokratike për Tiranën, Ilir Alimehmeti, tha se provat më të forta janë videot e publikuara nga Komisioni Qendror i Zgjedhjeve (KQZ), të cilat tregojnë parregullsi serioze në administrimin e fletëve të votimit.
Ai shtoi se situata është veçanërisht shqetësuese në zona si Kamza dhe Paskuqani, ku ende po vijon numërimi dhe ku janë vërejtur mospërputhje dhe gabime në çdo qendër votimi. Alimehmeti ngriti si shqetësim faktin që është vetë një numërues për forcë zgjedhore, gjë që është e pamjaftueshme për Alimehmetin.
Sipas kandidatit demokrat, kjo situatë rrezikon jo vetëm integritetin e procesit zgjedhor, por edhe besimin e qytetarëve në demokracinë përfaqësuese.
Ai bëri thirrje për një analizë të plotë dhe të pavarur të gjithë procesit zgjedhor, si dhe për një angazhim më të madh nga institucionet përkatëse për të garantuar një proces të drejtë dhe të verifikueshëm.
“Duhet të jemi të qartë që provat e vërtetë janë videot e KQZ të parat se pastaj se çfarë ka ndodhur me fletët e votimit, kanë mbetur aty një muaj. Na vijnë pamje nga qendra e votimit që ne shohim, shumë njerëz të pranishëm me njerëz që futen brenda kutisë, me fletë që dalin me disa, që merr katër, hedh tre me disa që merr dy e me radhë. Patjetër që besueshmëria në këtë proces është tejet i ulët. Kështu që në këtë aspekt patjetër edhe Tirana nuk ka se si të jetë e përjashtuar, por është akoma shumë herët sepse është Qark shumë i madh. Dhe të flasësh për një KZAZ të caktuar siç është Bashkia e Kamzës dhe kjo s’ka mbaruar dhe duhet të vijojë akoma në numërimin në zona e Paskuqanit, është shumë herët për të nxjerrë një përfundim, po themi nga kjo pjesë këtu. Ajo që është vënë re është që ka gabime plus minus pra çdo qendër votimi na rezulton me problematika, pse kanë ardhur do një analizë. Kur të na vijë në fund fare do një analizë të plotë. Të them të drejtën duhet të kishte më shumë vëzhgues nga forca politike, jo vetëm një sa është lejuar një për monitor, është shumë pak për procese të tilla, pra do të kishte nevojë të kishte më shumë. Njëkohësisht kujtoj se po numërohen dhe mandatet dhe kandidatët e listës së hapur, që do të thotë që vështirësia është më e madhe si për grupin e numërimit si për vrojtues. Ishin të gjitha mundësitë. Numërues ishin vetëm dy nuk ishin katër dhe numri i vëzhguesve vetëm 8, pra kemi reduktim nga forcat politike. Unë mendoj se kjo ka një arsye se pse kjo është bërë kaq e reduktuar. Fare mirë mund të kishin qenë dy vetë, nga çdo forcë politike për secilën kuti për secilën tavolinë. Unë besoj se ka një bazë arsyeje në këtë drejtim, sepse jep mundësi të qëndrosh, sepse një njeri nuk mund të qëndrojnë dhe faleminderit të gjithëve vëzhguesve tanë, që po qëndrojnë aty po bëhet 10 orë në këtë moment. Ka nevojë një njeri gjatë ditës që të lëvizë pak, ka nevojë për një pausë të vogël”, tha Alimehmeti.
