Dy aeroplanë të Vietnam Airlines u përplasën në pistën e Aeroportit Ndërkombëtar Noi Bai në Hanoi, duke ndërprerë udhëtimin e disa qindra personave.
Një video e aksidentit u publikua në rrjete sociale.
Bëhet e ditur se një Boeing 787-9 Dreamliner, që fluturonte për në Ho Chi Minh City, preu bishtin e një Airbus A321 të bllokuar që priste të ngrihej për në Dien Bien, Vietnam.
Maja e krahut të djathtë të Boeingut goditi stabilizatorin vertikal të Airbus, duke shkaktuar dëme të dukshme në të dy aeroplanët.
Mbeturinat e tyre u shpërndanë nëpër pistë.
Raportohet se asnjë nga 386 pasagjerët e të dy aeroplanëve nuk u lëndua dhe atyre iu ofruan fluturime alternative.
Rezultatet paraprake të hetimit tregojnë se Airbus mund të jetë ndalur para pikës së planifikuar për ngritje.
Aksidenti ndodhi kur moti ishte i kthjellët, kështu që përjashtohet mundësia që kushtet e motit të kenë qenë shkaku i aksidentit.
Hetuesit janë përqendruar në dështimet operative ose komunikimin e dobët midis pilotëve dhe kontrollorëve të trafikut ajror.
Ndryshe, duke pasur parasysh që aviacioni vietnamez po lulëzon, kapaciteti i aeroportit për të përballuar një numër të madh fluturimesh është shpesh problematik.
Disa besojnë se ky aksident duhet të jetë arsyeja për ndryshime gjithëpërfshirëse, të cilat do të përfshijnë futjen e rregullave më të rrepta për komunikimin midis pilotëve dhe kontrollorëve të fluturimit.
