Janice Combs, nëna e reperit të njohur Sean ‘P. Diddy’ Combs, ka reaguar pas vendimit të gjykatës në çështjen gjyqësore ndaj djalit të saj për akuza të rënda, përfshirë trafikimin seksual.
Reperi u shpall i pafajshëm për dy akuza, për trafikim qeniesh njerëzore për qëllime prostitucioni dhe shantazhi.
Duke dalë nga gjykata federale në Manhattan të mërkurën, Janice, 85 vjeçare, u pa duke dhënë një “thumbs up” për kamerat dhe tha për Daily Mail: “Më vjen mirë. Ndihem e mrekullueshme”.
Edhe djemtë e Diddy-t, Christian dhe Justin Combs, reaguan pas vendimit. Christian deklaroi: “Gjëja e parë që do të bëj është ta përqafoj babin tim”, ndërsa Justin shtoi se ishte “shumë i lumtur” me rezultatin.
Diddy, i cili ishte deklaruar i pafajshëm për të gjitha akuzat, mohon çdo akuzë ndaj tij, përfshirë ato në paditë civile të ngritura nga ish-e dashura Cassie Ventura dhe të tjerë.
Reperi ka qëndruar tashmë për gati 10 muaj në paraburgim, periudhë që do t’i llogaritet në dënimin përfundimtar.
Megjithatë, kërkesa e ekipit mbrojtës për ta liruar Diddy në pritje të dënimit u refuzua, pavarësisht tentativave për një afat më të shpejtë.
CNN raportoi se gjendja emocionale e Diddy-t ndryshoi dukshëm kur dëgjoi vendimin për të qëndruar në paraburgim në Metropolitan Detention Center në Brooklyn.
Prokurorët federalë dorëzuan edhe një letër nga stilisti i njohur Deonte Nash, mik i Cassie Ventura-s, i cili paralajmëroi gjykatën për “rrezikun” që Diddy paraqet për publikun dhe për viktimat që guxuan të flasin.
