Nga UFO-t e varrosura në shkretëtirën e Saharasë deri te portat misterioze në Arktik, përdoruesit e Google Maps kanë bërë dhjetëra zbulime të çuditshme gjatë viteve.
Por ky zbulim i fundit mund të jetë një nga pamjet më të çuditshme deri më tani.
Detektivët e internetit me sy të mprehtë, kanë dalluar atë që duket të jetë një kafkë masive që fshihet në ujërat e një ishulli kanadez.
Përdoruesit janë habitur nga pamja, me disa që pretendojnë se mund të jetë edhe një shenjë e ndërhyrjes së alienëve.
Struktura e çuditshme mund të gjendet në bregdetin verior të Ishullit Cormorant, pak larg bregdetit verilindor të Kanadasë.
Kur shihet nga veriu, një breg rëre nën ujë zbulon një formë të dallueshme të një kafke njerëzore.
Scott Waring, themeluesi i UFO Sightings Daily, i cili e dalloi formën, i tha MailOnline: “Unë besoj se vizitorët e lashtë alienë krijuan kafkën. Ata e bënë këtë për të lënë një shenjë që të tjerët ta shihnin që thotë, “ne ishim këtu të parët”.
Megjithatë, shkencëtarët thonë se ekziston një shpjegim shumë më i thjeshtë për këtë iluzion konfuz.
Formacioni i çuditshëm si kafkë mund të gjendet në Google Maps duke kërkuar për fshatin Alert Bay, vendbanimi i vetëm i ishullit.
Megjithatë, do t’ju duhet ta rrotulloni hartën 180 gradë për të parë ‘fytyrën’ që del nga ujërat.
Në mediat sociale, komentuesit u dyndën për të ndarë habinë e tyre për këtë zbulim të kobshëm.
Një komentues shkroi: ‘Kjo është me të vërtetë e pabesueshme. Është mahnitëse!!’
Një tjetër shtoi: ‘Më ndihmoni këtu, sipas fjalëve të X-Files, dua të besoj’.
Ndërsa pamja mund të jetë një mister për disa, Waring është i bindur se duhet të jetë me origjinë jashtëtokësore.
Gjuetari i UFO-ve thotë se pamja njerëzore e rërës ‘nuk është rastësi’.
‘Detajet e kafkës janë plotësisht të sakta, por në një shkallë prej 100 metrash të gjerë’, shtoi ai.
Por jo të gjithë janë dakord me këto pretendime për aktivitet alien.
Studiuesi i UFO-ve, Philip Mantle, i tha MailOnline: “Nuk ka shenja që format e jetës aliene kanë vizituar tokën në lashtësi dhe kanë lënë prova të tilla. Mund të jetë një formacion natyror shkëmbor që duket si kafkë. Pak si të shohësh fytyra në re”.
Në fakt, shkencëtarët thonë se ekziston një arsye shumë e mirë, pse të gjitha llojet e strukturave gjeologjike ngatërrohen me fytyra ose kafka.
Kur përballet me një strukturë që përmban modele të ndërlikuara dhe të larmishme, truri e kthen këtë informacion të zhurmshëm dhe dinamik në modele dhe objekte që mund t’i kuptojmë.
