Drama mes Brad Pitt dhe Angelina Jolie vazhdon të thellohet, ndërsa aktori hollivudian ka ndërmarrë një hap të ri ligjor, duke kërkuar akses në mesazhet private të ish-bashkëshortes së tij.
Sipas dokumenteve të reja gjyqësore, Pitt pretendon se komunikimet personale të Jolie mund të jenë prova kyçe në betejën e tyre të vazhdueshme ligjore, që lidhet me shitjen e aksioneve të saj në kantinën e verës Château Miraval, pronë e përbashkët e çiftit gjatë martesës.
Avokatët e Pitt thonë se mesazhet e Jolie mund të tregojnë qëllimet e saj reale pas shitjes, duke sugjeruar se ajo ka vepruar “në mënyrë të qëllimshme për t’i shkaktuar dëm” Pitt-it, duke i shitur aksionet një pale të tretë, me të cilën ai ka pasur përplasje.
Angelina Jolie ende nuk ka reaguar publikisht për këtë zhvillim të ri, por pritet që beteja e tyre ligjore të vazhdojë të bëjë jehonë në mediat botërore.
