Belen Rodriguez ka rikthyer sërish vëmendjen e publikut me një lëvizje të guximshme që ndërthur provokimin me mesazhin për vetëkujdes dhe fuqizim femëror.
Showgirl-i argjentinase ka lançuar një produkt të ri bukurie të markës së saj Rebeya, këtë herë të dedikuar zonës intime femërore, një maskë vulvare me formulë qetësuese dhe hidratuese, të dizajnuar për të përkëdhelur një nga zonat më delikate të trupit.
Ky hap vjen më shumë se një dekadë pas momentit tashmë të famshëm në Festivalin e Sanremos 2012, kur Belen magjepsi dhe skandalizoi njëkohësisht publikun duke zbritur shkallët me një fustan me çarje ekstreme, që ekspozonte tatuazhin në formë fluture në ijën e saj. Ai detaj vizual u shndërrua në një simbol që do ta shoqëronte gjatë gjithë karrierës, duke u bërë pjesë e imagjinatës kolektive dhe shpeshherë objekt memesh e shprehjesh popullore.
Sot, Rodriguez i rikthehet “fluturës” jo si provokim, por si ikonë e kujdesit ndaj vetes. Maska Mia, siç është emërtuar produkti, përmban përbërës aktivë si postbiotikët Skinbac, fitokolagjenin dhe acidin hialuronik, me qëllim hidratimin dhe qetësimin e lëkurës intime. E dizajnuar në formën karakteristike të një fluture, maska është menduar si një trajtim i lehtë për t’u përdorur në shtëpi, në emër të relaksit dhe mirëqenies personale.
Për promovimin e produktit, Rodriguez ka publikuar një video artistike dhe një foto të cilat, si gjithmonë, nuk kanë kaluar pa u vënë re. Në një imazh të shpërndarë në Instagram, ajo shfaqet nudo artistikisht, me maskën e vendosur në zonën e ijëve, ndërsa tatuazhi i famshëm mbetet ende i dukshëm. “Një moment relaksi për ne. Shijojeni,” shkroi ajo në mbishkrim, duke theksuar qëllimin kryesor të produktit: kujdesi për trupin dhe feminitetin pa tabu.
Në një seri postimesh në rrjete sociale, Belen ka folur hapur për rëndësinë e shëndetit dhe mirëqenies intime, duke shtuar se shpeshherë kjo pjesë e trupit femëror neglizhohet. “Askush nuk kujdeset për të. Është ende tabu, por për mua nuk është kurrë e tillë. E kam testuar për një kohë të gjatë dhe nuk mund të bëj pa të,” shprehet ajo.
Përtej aspektit komercial, mesazhi i Rodriguez është i qartë: kujdesi për zonën intime është një akt dashurie ndaj vetes, jo vetëm për estetikë, por për shëndet dhe vetëbesim.
Aktualisht, Belen është beqare, pas disa lidhjeve të ekspozuara ndaj medias, dhe duket se po jeton një periudhë të qetë e të përqendruar tek vetja. Ajo kalon kohë me fëmijët e saj, Santiago dhe Luna Marì, ndërsa kohët e fundit është përfolur për një bashkëpunim me këngëtarin Olly, pas një paraqitjeje të përbashkët në koncertin e Marracash në Milano. Flitet për një flirt të mundshëm, por asgjë nuk është konfirmuar.
Ajo që është e qartë, është se Belen po përqafon një fazë të re të jetës së saj: më e lirë, më e vetëdijshme dhe më e sinqertë në raport me trupin, feminitetin dhe mënyrën se si i trajton. Dhe këtë, si gjithmonë, e bën në mënyrën e saj të drejtpërdrejtë.
