Erion Ahmataj, ish-drejtor i Urbanistikës në Bashkinë e Vlorës gjatë kohës së administratës së kryebashkiakut Dritan Leli, dhe 35-vjeçari me inicialet F. H., janë dy të proceduarit penalisht për “ndërtim të paligjshëm” të pallatit të konfiskuar ditën e djeshme në lagjen “10 Korriku”.
Sipas policisë, në cilësinë e administratorit dhe investitorit të një subjekti ndërtues, ata kanë kryer ndërtime në kundërshtim me kushtet e lejes, në rrugën “Ibrahim Avdullai”, në zemër të lagjes “10 Korriku”.
Rasti është referuar në Prokurori, ndërsa hetimet vazhdojnë për zbardhjen e plotë të shkeljeve dhe përfshirjes së mundshme të institucioneve të tjera.
