Një 26-vjeçar nga Kamza ka rënë në prangat e policisë pasi shpërndante doza droge të forta.
Gjatë kontrolleve të kryera uniformat blu sekuestruan kokainëm, 1 aparat celular dhe makinën. I arrestuari Benard Dreni e shpërndante lëndën narkotike në zona të ndryshme të Valiasit.
“Komisariati i Policisë Nr. 5, në vijim të punës për parandalimin, evidentimin dhe goditjen e veprimtarisë kriminale në fushën e shpërndarjes së lëndëve narkotike, bazuar dhe në informacionet e siguruara në rrugë operative nga burime të ndryshme, kanë goditur një tjetër rast të shpërndarjes së drogave të forta në doza, si rezultat u bë arrestimi në flagrancë, për veprën penale “Prodhimi dhe shitja e narkotikëve”, e shtetasit:
-B. D., 26 vjeç, banues në Kamëz.
Gjatë kontrollit të ushtruar në automjetin me të cilin qarkullonte ky shtetas dhe kontrollit fizik, u gjetën disa doza me lëndë të dyshuar kokainë, 1 aparat celular, të cilat u sekuestruan në cilësinë e provës material së bashku me automjetin.
Nga hetimet paraprake ka rezultuar se 26-vjeçari i shpërndante dozat në zona të ndryshme të Valiasit”, njoftoi policia.
Materialet i kaluan Prokurorisë, për veprime të mëtejshme.
