Një zjarr shkatërrues përfshiu një ndërtesë tregtare shumëkatëshe në qytetin lindor të Irakut, Kut, duke lënë pas rreth 50 viktima dhe të plagposur, sipas autoriteteve lokale dhe mediave irakiane.
Zjarri shpërtheu gjatë natës në qendrën tregtare Kut Hypermarket, duke zënë brenda dhjetëra persona. Pamje të publikuara në rrjetet sociale tregojnë ndërtesën të mbuluar nga flakët, ndërsa njerëz qëndronin në çati në pritje të ndihmës dhe të tjerë dilnin me qetësi nga godina, ndërkohë që zjarri vazhdonte të përhapej.
Pamje të tjera të shpërndara në Telegram dhe X tregojnë automjete emergjente dhe turma qytetarësh të mbledhur pranë zonës së ndodhisë gjatë orëve të ditës.
Shkaku i zjarrit nuk është ende i njohur, ndërsa hetimet janë në zhvillim.
Guvernatori i krahinës Wasit, ku ndodhet qyteti i Kut, ka shpallur tre ditë zie kombëtare në nderim të viktimave.
