Nga Çelsi te Arsenali, kjo është historia e fundit e Noni Madueke, i njoftuar dje si transferimi i ri luksoz i Mikel Artetas.
Anësori anglez, u udhëhoq nga një faktor i veçantë në vendimin e tij për t’u larguar nga kampionët e Ligës së Konferencës dhe për t’u transferuar te “Topçinjtë”, siç e shpjegon vetë.“Unë jam një person që mbështetem shumë në intuitën time dhe deri më tani ata gjithmonë më kanë udhëhequr në drejtimin e duhur. Nuk mendoj se do të jetë ndryshe këtu. Mendoj se do të jetë një sukses i madh dhe jam vërtet i lumtur që jam këtu.”
Sa i përket durimit që iu desh të tregonte në Kupën e Botës për Klube përpara se Çelsi t’i jepte dritën jeshile: “Qëndrova i qetë, duke pritur dritën jeshile, dhe kur mbërrita këtu sot, gjithçka më dukej e vërtetë. Jam vërtet i lumtur dhe krenar, është një moment i madh për mua. Është e mrekullueshme të jem përsëri në shtëpi, të jem me mamin dhe babin tim. E di që mami im më mungon në shtëpi”, thotë 23-vjeçari.
“Jam shumë i lumtur, shumë i emocionuar që do të filloj punën. Tani do të marr disa ditë pushim, por mezi pres të kthehem, të takoj të gjithë djemtë dhe të stërvitem. Por po u thoja miqve të mi rrugës për këtu: nuk duhet të bësh as pushim.
E di që është e nevojshme për trupin tim dhe për t’u rikuperuar, por kur të kthehem, do të jem plot energji.”
Ai përfundon: “Ky është tashmë një ekip i shkëlqyer, me një identitet të përcaktuar mirë, dhe mezi pres të sjell stilin tim dhe t’i ndihmoj djemtë sa më shumë që të jetë e mundur për të bërë hapin tjetër.
Qëllimi? Të fitojmë çdo garë ku hyjmë, mendoj se jemi absolutisht të aftë për këtë. Dhe gjithashtu ta ndihmojmë ekipin në çdo mënyrë të mundshme, të rritemi si lojtar, por edhe si person”, përfundoi ai.
