Kryeministri i Kosovës, Albin Kurti, i është përgjigjur ashpër akuzave të presidentit serb Aleksandar Vuçiç, duke theksuar se Serbia po provokon incidente dhe se kjo do të ketë pasoja. Kurti u bëri thirrje qytetarëve të Kosovës të shmangin udhëtimet drejt Serbisë, duke paralajmëruar për ndalime arbitrare nga autoritetet serbe.
Në një intervistë për TV Pink, Vuçiç akuzoi Kurtin për humbje të kontrollit dhe për nxitje të konflikteve në Ballkanin Perëndimor, por garantoi se Serbia do të luftojë për paqe dhe stabilitet.
Tensionet mes dy vendeve u përshkallëzuan pas vendimit të Gjykatës Themelore në Prishtinë për paraburgim 30-ditor ndaj zyrtarit serb Igor Popoviç, vendim që e ka acaruar më tej situatën mes dy palëve.
