Lionel Messi dhe bashkëshortja e tij, Antonela Roccuzzo, shijuan një mbrëmje të veçantë familjare në koncertin e grupit Coldplay, të mbajtur në stadiumin “Hard Rock” në Florida, ku u pritën me entuziazëm nga publiku, pa asnjë incident apo dramë në prapaskenë.
Gjatë koncertit të shumëpërfolur në Miami, ku prania e VIP-ave është bërë e zakonshme, kamerat u ndalën te çifti Messi, por ndryshe nga disa raste të mëhershme me çifte të tjera që shmangën vëmendjen publike, Messi dhe Antonela buzëqeshën dhe përshëndetën me dorë, duke krijuar një moment të ngrohtë dhe të natyrshëm.
Chris Martin, vokalisti i Coldplay, e nderoi ikonën argjentinase duke e quajtur “Leon” dhe duke e përshkruar si GOAT (“më i madhi i të gjitha kohërave”), një vlerësim publik që emocionoi shumë fansat në stadium.
Messi është ribashkuar së fundmi me Antonelën, pas një periudhe të shkurtër pushimesh ku ajo ndodhej në Itali. Çifti ishte i shoqëruar nga tre djemtë e tyre dhe dukeshin të qetë e të relaksuar, ndërsa ndiqnin performancën spektakolare të Coldplay.
Futbollisti legjendar, që aktualisht luan për Inter Miami në Major League Soccer, po shijon jo vetëm formën në fushë por edhe jetën familjare në Florida.
