Rachel Zegler ka reaguar pas një frike shëndetësore që e detyroi të largohej nga skena në mes të shfaqjes së saj në muziklin Evita në London Palladium.
Në një postim emocional në rrjete sociale, ajo falënderoi kastin dhe stafin për mbështetjen dhe solidaritetin.
“Jam e mahnitur nga kjo shoqëri – mënyra si bashkohen dhe nuk lënë askënd pas”, shkroi aktorja 24-vjeçare, që ka interpretuar për javë të tëra rolin e Eva Peron, shkruan DailyMail.
Ajo veçoi mirënjohjen për Bella Brown, e cila e zëvendësoi menjëherë pas largimit të saj dhe mori një ovacion pesëminutësh pas këngës “Don’t Cry for Me Argentina”.
Yje të tjerë të kastit, si Nathan Louis-Fernand dhe Myla Carmen, gjithashtu u përmendën me dashuri. Mes publikut ndodhej edhe aktorja e Bridgerton, Nicola Coughlan, e cila e quajti Zegler “talent një herë në një brez”.
Zegler debutoi në West End më 1 korrik dhe ka marrë lëvdata të shumta për interpretimin e saj. Shfaqja do të vazhdojë deri më 6 shtator, me dëshira të përbashkëta nga ekipi që të zhvendoset së shpejti në Broadway.
