Portugalia aktualisht po përballet me disa zjarre pyjore , kryesisht në rajonet veriore dhe qendrore të vendit, me temperatura të larta dhe erëra të forta, të cilat pritet të vazhdojnë gjatë gjithë ditës, duke e bërë të vështirë shuarjen e zjarreve.
Më shumë se 1,700 zjarrfikës janë mobilizuar këtë mëngjes në të gjithë vendin, kryesisht në rajonet veriore dhe qendrore, për të përballuar rreth dhjetë zjarre të mëdha, sipas Agjencisë Kombëtare të Mbrojtjes Civile të Portugalisë.
Pesë zjarrfikës u plagosën në një aksident me makinë. Autoritetet portugeze janë të shqetësuara se situata do të përkeqësohet gjatë ditës për shkak të nxehtësisë së vazhdueshme dhe po u bëjnë thirrje qytetarëve të qëndrojnë vigjilentë.
