Jamie Lee Curtis po përgatitet të largohet përgjithmonë nga vëmendja e publikut.
Në një intervistë për The Guardian, Curtis tregoi se si ishte të shihte prindërit e saj të famshëm, Janet Leigh dhe Tony Curtis, të “refuzoheshin” nga Hollivudi pasi arritën një “moshë të caktuar.” Ajo tha se kjo përvojë e shtyu të fillonte “tërheqjen nga skena” që herët, për të shmangur të njëjtin fat.
“E pashë me sytë e mi sesi prindërit e mi humbën pikërisht atë që u dha famën, jetën dhe të ardhurat, kur industria i refuzoi në një moshë të caktuar,” tha Curtis. “I pashë të arrinin një sukses të jashtëzakonshëm, dhe më pas ta shihja atë të zbehej ngadalë, derisa nuk mbeti më asgjë. Dhe kjo është shumë e dhimbshme.”
Kam qenë duke u tërhequr gradualisht prej 30 vitesh. Jam përgatitur për t’u larguar, që të mos më duhet të vuaj siç vuajtën prindërit e mi. Dua të largohem nga festa para se të mos jem më e mirëpritur.
Edhe pse po planifikon një largim të hershëm, ylli i Curtis vazhdon të shkëlqejë. Së fundmi, ajo u shfaq përkrah Lindsay Lohan në Freakier Friday, vazhdimi i komedisë familjare të vitit 2003.
