Një vizitë e thjeshtë familjare në Akuariumin e San Antonios në SHBA u shndërrua në një makth kur një oktapod gjigant i kapi dorën një djali 6-vjeçar dhe nuk e lëshoi për disa minuta, duke i shkaktuar mavijosje në të gjithë krahun e djathtë, nga kyçi i dorës deri në sqetull.
‘Djali im ka vizituar të njëjtin oktapod çdo javë për 3 vjet. Ai gjithmonë e donte deri më sot, kur u përpoq ta tërhiqte në akuarium. U deshën 3 punonjës të akuariumit për ta nxjerrë. Mendonim se ishte një lidhje e ëmbël shtazore… derisa la mavijosje. Dhe kur u kthyem më vonë, ajo ndryshoi ngjyrë sapo e pa.
“Unë dhe shoqja ime nuk dinim çfarë të bënim. Nuk kishte staf përreth, kështu që filluam të bërtisnim për ndihmë”, tha Taryn për stacionin lokal KSAT.
Në fund, asaj iu desh të thërriste dy anëtarë të tjerë të stafit të akuariumit për ta ndihmuar të hiqte tentakulat ngjitëse nga dora e djalit, një përpjekje që zgjati pesë minuta.
Taryn paraqiti një ankesë në Departamentin e Bujqësisë të SHBA-së, duke pretenduar se Leo “pësoi mavijosje të shumta nga thithja ” dhe se “stafi në vend e minimizoi incidentin”.
“Vizitorët inkurajohen të ushqejnë me dorë disa nga kafshët dhe t’i përkëdhelin me një prekje të butë me dy gishta në shpinë”, thotë ajo.
Taryn vëren se në vizitat e mëparshme në akuarium, gjithmonë kishte një punonjës që qëndronte pranë akuariumit për të udhëhequr veprimet. Këtë herë, megjithatë, mungesa e stafit dhe vonesa në përgjigje përbënin një rrezik.
Në TikTok, nëna postoi një video të një punonjësi të Akuariumit të San Antonios i cili duket se po sulmohet nga një oktapod gjigant që i ka kapur dorën.
“Nëse do të donte vërtet, mund të më kafshonte. Ai thjesht i do njerëzit”, tha punonjësi në video.
