Një prej autorëve të dyshuar për vrasjen e Renato Hoxhajt, ngjarje e ndodhur në prill të këtij viti në qytetin e Vlorës, është arrestuar si rezultat i operacionit policor të koduar “Në gjurmë”.
Në pranga ra Kleanth Bylyku, alias Armando Gega, 42 vjeç, banues në Vlorë. Ai dyshohet si bashkautor në vrasjen me armë zjarri të Renato Hoxhajt, ngjarje që ndodhi më 27 prill 2025 pranë Poliklinikës së Vlorës. Mësohet se 42-vjeçari ka patur rolin e ndihmësit të vrasësit. Ditën e vrasjes ai ka lëvizur në të njëjtin automjet me personin që e ka ekzekutuar.
Vrasja ka ndodhur me porosi nga Dubai për të vrarë rojen e objektit në ndërtim. Ekzekutori është larguar drejt Greqisë dhe vazhdon në arrati
42-vjeçari i arrestuar Kleanth Bylyku ka qenë personi që e ka ndihmuar me lëvizjen, i ka dhënë informacionet e duhura për viktimën madje i ka siguruar edhe armën e zjarrit siç konfirmohet. Ai ka qenë një pjesë e rëndësishme e grupit të ngritur për të vrarë 58-vjeçarin. Ka edhe persona të tjerë në këtë ngjarje të cilët janë identifikuar por ende nuk janë arrestuar. Vijon punë për hetimin e ngjarjes por edhe kapjen e personave të arrestuar.
Për personat e përfshirë në ngjarje ka pasur edhe një seancë gjyqësore në gjykatën e Vlorës, e cila ka caktuar masën e sigurisë për të gjithë në arrest me burg në mungesë.
