Kushdo që udhëton për në Ishujt Kanarie duhet të hedhë një vështrim të dytë nën karrigen e hotelit.
Atje fshihet një mysafir i padëshiruar: buburreci amerikan, një specie pushtuese buburreci që është më e madhe dhe më e rrezikshme se të afërmit e saj.
Buburreci amerikan (periplaneta americana) ka gjatësi deri në katër centimetra, ka krahë dhe ngjitet lehtësisht nëpër kanalizime për në banjo.
Buburrecat XXL pushtojnë brigjet
I gjetur dikur kryesisht në rajonet tropikale, insekti tani është përhapur në 88 përqind të të gjitha rajoneve spanjolle, veçanërisht përgjatë bregdetit, në Ishujt Balearik dhe në Ishujt Kanarie, sipas një studimi nga Anticimex, shkruan Bild, transmeton Klankosova.tv
Sipas ekspertëve, vështirë se ka ndonjë zonë të lënë të paprekur nga buburreci XXL. Madje është parë edhe në Madrid të Spanjës – pikërisht në qendër të qytetit. Krahasuar me të afërmit e tij – siç është buburreci gjerman ose oriental – ai jo vetëm që është më i madh, por edhe më agresiv në përhapjen e tij. Ai hyn në tuba, boshte dhe sisteme ventilimi.
Buburreci amerikan nuk është vetëm një pamje e neveritshme, por është edhe një kërcënim i vërtetë për shëndetin. Ai përhap patogjenë dhe spore myku që mund të ngjiten në trupin e tij deri në 72 orë.
