Prokurori Federal Publik në Gjermani ka nisur një hetim kundër disa personave me dyshimin se janë anëtarë të një organizate terroriste dhe se po përgatitnin një krim të rëndë të drejtuar kundër rendit kushtetues, njoftoi sot Zyra e Prokurorit Federal.
Sipas raportimeve, të dyshuarit po planifikonin përmbysjen me dhunë të shtetit gjerm!an dhe krijimin e sistemit të tyre shtetëror.
Grupi është i lidhur me të ashtuquajturit “Reichsburgerw” rreth Princit Heinrich XIII, anëtarët kryesorë të të cilit u arrestuan në dhjetor 2022.
Si pjesë e hetimit, u identifikuan të dyshuar të rinj që dyshohet se mbështetën grupin ose morën pjesë në aktivitete përgatitore, tha policia bavareze.
Për këtë arsye, policia kriminale bavareze, nën mbikëqyrjen e Prokurorisë në Mynih, nisi një hetim kundër gjashtë personave.
Sot në orët e para të mëngjesit, u kryen kërkime në tetë lokacione, katër në Bavari, tre në Saksoni dhe një në Turingi.
Të dyshuarit janë pesë burra dhe një grua, të moshës midis 40 dhe 61 vjeç, saktësoi policia.
