Nga shpërthimi ka pasur vetëm dëme materiale ndërkohë që grupi hetimor po punon për të identifikuar autorin dhe sqaruar rrethanat e ngjarjes.
Një shpërthim me lëndë plasëse ka ndodhur në orët e para të mëngjesit të së mërkurës në Durrës. Ngjarja është shënuar në lagjen nr. 14, ku një sasi e vogël lënde plasëse është hedhur në ambientet e jashtme të banesës së 66-vjeçarit me inicialet I.Gj.
Njoftimi i Policisë:
“Në orët e para të mëngjesit të sotëm, ambientet e jashtme të banesës së shtetasit I. Gj., 66 vjeç, në lagjen nr. 14, është hedhur një sasi e vogël lënde plasëse. Si pasojë pati vetëm dëme materiale. Grupi hetimor, në drejtimin e Prokurorisë, po punon për identifikimin dhe kapjen e autorit/ëve, si dhe për sqarimin e rrethanave të rastit.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.”
