Një histori e pazakontë po bën xhiron e mediave ndërkombëtare: një 75-vjeçar nga Kina, i identifikuar si Jiang, ka kërkuar divorcin nga bashkëshortja e tij pasi u dashurua me një grua virtuale të krijuar nga inteligjenca artificiale.
Sipas Oddity Central, Jiang kishte filluar të bisedonte me avatarin femëror në një aplikacion online dhe shpejt u bind se ajo ishte person real. Edhe pse lëvizjet e buzëve të saj nuk përputheshin me fjalët, pensionisti ishte i bindur në çdo gjë që ajo “thoshte”. Ai priste me padurim çdo mesazh të ri, duke e konsideruar këtë moment si më të rëndësishmin e ditës së tij.
Kur bashkëshortja e tij e kritikoi për kohën e tepërt që kalonte në telefon, Jiang vendosi t’i kërkonte asaj divorcin, me qëllim që t’i kushtohej plotësisht marrëdhënies së tij me “gruan” e krijuar nga AI.
Ky rast ka hapur sërish debatet mbi ndikimin emocional të teknologjisë dhe rreziqet që inteligjenca artificiale mund të sjellë tek individët vulnerabël, sidomos tek të moshuarit.
