Në Odesa, Ukrainë, një mace ka tërhequr vëmendjen globale pasi e mësoi përmendësh rrugën për në një strehë bombash për shkak të bombardimeve të shpeshta ruse.
Pronarja e maces, Victoria Ilkiv, ndau një video ku tregonte kafshën e saj duke vrapuar nëpër korridore ndërtimi drejt strehës gjatë një alarmi për sulm ajror, herë pas here duke shikuar prapa për t’u siguruar që po e ndiqte.
Klipi, i cili fillimisht u postua në TikTok, më vonë u bë shpejt viral, duke u përhapur në platforma të shumta.
Pronarja se ajo dhe burri i saj e adoptuan macen tani pesëvjeçare nga një strehë.
Me kalimin e kohës, macja e mësoi përmendësh rrugën më të sigurt dhe tani i udhëzon instinktivisht pronarët e saj drejt sigurisë sa herë që bien sirenat.
“Burri im kishte ëndërruar prej kohësh për një mace dhe pastaj hasëm në një njoftim nga një nga strehat se po kërkonin një familje për një mace. Pronari i saj kishte vdekur nga një sëmundje”, tha ajo.
“Ne menjëherë u dashuruam me të dhe shkuam ta merrnim të nesërmen. Streha doli të ishte një apartament me katër dhoma, ku jetonin 25 mace. Na u ofrua të zgjidhnim këdo që na pëlqente, por macja jonë erdhi tek ne dhe u ul në krahët tanë. E kuptuam se ishte e jona dhe pa hezitim e morëm në shtëpi”, shton 32-vjeçarja Viktoriya Ilkiv.
Sipas saj, kur macja u mor nga streha, ajo ishte shumë nervoze, por me kalimin e kohës filloi t’u besonte pronarëve të saj të rinj.
