Bruno Fernandes është ndalur edhe një herë te oferta multi-milionëshe që mori nga Al Hilal këtë verë, të cilën në fund e refuzoi për të qëndruar te Manchester United.
Kapiteni i “Djajve të Kuq” refuzoi një pagë prej mbi 800.000 eurosh në javë (afërsisht 200 milionë euro gjatë dy sezoneve), me “Djajtë e Kuq” që i thanë “Jo” një tarife transferimi prej 120 milionë eurosh. Mesfushori dëshiron ta ndihmojë Ruben Amorim ta rikthejë klubin anglez në rrugën e duhur.
“Nuk i kam realizuar ende ëndrrat e mia këtu.
Mendoj se mund t’i jap diçka klubit, që të jem i dobishëm. Do të qëndroj derisa United të më thotë: ‘Bruno, është koha të ikësh’.
Sigurisht, e di që ishte e vështirë për klubin të refuzonte atë shumë parash; United nuk ka marrë aq shumë që kur Cristiano Ronaldo u largua”, pranoi ai në deklaratat për ‘Sky Sports’.
Në një nivel personal, Bruno Fernandes gjithashtu mori në konsideratë detajet.
“Ishte një propozim shumë ambicioz. Do të ishte një veprim i lehtë, madje edhe për arsye familjare. João Cancelo është atje dhe kemi një miqësi të shkëlqyer. Por unë dua të ruaj nivelin tim të lartë, duke luajtur në gara të mëdha. Ndihem i aftë ta bëj këtë.”
