Ndoshta për shkak të debatit mediatik mbi çështjen e Shpellës së Spilës në Himarë, dje më erdhi një mesazh nga një prej punonjësve zyrtarë që janë përfshirë në këtë projekt.
Ai argumentonte se, në fakt, ky projekt ishte përgatitur nga një OJF me emrin CHwB Albania dhe i miratuar nga MEKI. Për këtë më dërgoi si projekt-propozimin me 6 fletë, si edhe vendimin e MEKI-t për miratimin e konceptit.
Ndërkohë, pashë edhe postimin e kësaj OJF-je (e njëjta e përfshirë në projektin e Burgut të Spaçit), ku thuhet se ky projekt mbështetet edhe nga Banka Botërore.
Ndoshta Banka Botërore duhet të sqarojë pozicionin e saj, por gjithsesi e pyeta personin nëse në projekt është menduar një interpretim historik i legjendës së Odisesë dhe Ciklopit.
Më tha: “Kemi menduar të vendosim një Ciklop prej tullumbace, të ndriçuar nga brenda.”
