Kryetari i Bashkisë Shijak, Elton Arbana, ka falënderuar qeverinë dhe Kryeministrin Rama për mbështetjen ndaj fermerëve dhe blegtorëve të zonës.
Ai theksoi se vitin e kaluar 170 fermerë aplikuan për subvencionimin e naftës dhe të gjithë u shpallën përfitues, ndërsa këtë vit janë 171 aplikime në total, mes tyre 164 për naftën, 2 në bletari, 3 për traktorë dhe 2 për stalla.
Postimi i plotë:
Sot isha mes fermerëve dhe blegtorëve të Njësisë Administrative Gjepalaj.
Vitin e kaluar 170 fermerë aplikuan për subvencionimin e naftës dhe të 170 u shpallën përfitues.
Këtë vit kemi 171 aplikime në total:
164 aplikime për subvencionimin e naftës
2 aplikime në bletari
3 për subvencionimin e traktorëve
2 për stalla
Të gjithë kanë kaluar fazën e komisionit të Drejtorisë Rajonale të Bujqësisë.
Falë mbështetjes së qeverisë dhe Kryeministrit Rama përmes Programit për Bujqësinë dhe Zhvillimin Rural, bujqësia në këtë zonë po lulëzon.
Gjatë takimit me fermerët dhe blegtorët e Gjepalajt folëm nga afër për nevojat e tyre: Kërkesë për stallë në Çizmeli dhe Likesh, 2 kërkesa për bletari, 2 për blegtori, 15 për ferma organike dhe aplikimet për subvencionimin e naftës.
Të gjithë aplikuesit shpallen fitues. Bashkia e Shijakut dhe Njësitë Administrative janë përkushtuar në terren për të inkurajuar fermerët të aplikojnë në këto skema, duke i ndihmuar hap pas hapi me plotësimin e dokumentacionit përkatës.
Të dhënat janë për Njësinë Gjepalaj. Po me të njëjtën mbështetje janë dhe fermerët e Njësisë Maminas dhe Xhafzotaj.
Gjithmonë pranë shijakasve, me përkushtim për çdo familje.
