Aktivistja shqiptaro-amerikane, Evi Kokalari, ka reaguar ndaj ish-kryeministrit Sali Berisha dhe të birit të tij, Shkëlzen Berisha, duke i akuzuar se po mbajnë peng Partinë Demokratike dhe vulën e saj.
Në një shkrim të publikuar në rrjete sociale, Kokalari shprehet se “të mbash vulën e PD-së peng, apo t’ia kalosh njerëzve të tu me aprovimin e Shkëlzenit apo kujtdo tjetër, përbën korrupsion politik më vete.” Ajo nënvizon se PD-ja nuk është pronë private e Berishës dhe se përpjekjet për ta trajtuar si trashëgimi familjare do të kenë pasoja të rënda jo vetëm për të, por edhe për brezat e tij.
Sipas saj, demokratët folën qartë më 11 maj, duke mos mbështetur kryetarin, ndërsa shton se opozita e bllokuar nga Berisha i ka shërbyer vetëm qëndrimit të Edi Ramës në pushtet për një mandat të katërt.
“Të mbash vulën e PDsë peng siç po bën Berisha, apo t’ja kalosh atë njerëzve të tu me aprovimi të Shkelzenit apo kujdo tjetër, përbën korrupsion politik më vete.
Në asnjë shtet nuk mbahen peng njerëzit në këtë formë. PD-ja, pavarësisht që Berisha e ka përdorur si pronë, pronë e tij nuk është, sepse nuk e ka trashëguar nga familja.
Fakti që vazhdon ta përdorë si të tillë, është diçka që do ta paguaj shumë shtrenjte, jo vetëm ai, por do kaloj tek niprat dhe mbesat, sepse përveç damkës që do t’ju lërë atyre të gjorëve, ato para korrupsioni që do të trashëgojnë, jo vetëm do t’ju merren, por do ti kthehen atyre nga të cilët i kanë vjedhur.
Kjo më lart shkon dhe për Ramën dhe njerëzit e tij.
Për sa i përket Berishës, PD-istët folën në 11 Maj. Ata jo vetëm s’duan kryetarin, por janë super të lodhur nga PD në përgjithësi.
Që Berisha s’do ta mbaj këtë vulë shumë gjatë, kjo s’ka nevojë më për garanci, por di t’ju them, kur ajo parti të merret nga ky grup klounësh, do bëjmë çdo përpjekje t’i shohim përpara drejtësisë.
Çdo vonesë që ndodh, do shtoj thjeshtë pasionin (të paktën timin) për t’ju parë në burg – dhe të paktën për pisllikun që po bëni tashti duke mbajtur vulën peng kundrejt çdo shqiptari që me pasion do ndryshim radikal në atë vënd.
Që ju keni probleme intelekti, kjo është e qartë, sepse ndryshe do kuptonit që po hapni varrin tuaj me dy duar, dhe në këtë pikë, duhet të jesh në deluzion total të mendosh që do ti shpëtosh drejtësisë apo do vazhdosh të mbash një komb varur.
Të mbash opozitën peng në fakt është të mbash të gjithë kombin peng, sepse ndryshe nuk do kishim dikë si Rama në mandat të katër.
Të vetmin pasion që kam tashti është ta marrë atë vulë, të përjashtoj nga ajo PD, Nokën, Vokshin, Këllicin, Palokën e nja dy super monstra, të hap partinë, te bashkoj bazën dhe ta riformoj atë me mentalitetin tonë të Amerikës. Direkt mbas kësaj të filloj lufta kundrejt Ramës.
Kur të jemi në atë pikë, ku i kemi hequr të dy – fillon puna e vërtet e riformimit të Shqipërisë dhe i forcimit të kushtetutës në atë pikë që monstra si ju mos fusin më kurrë këmbët në parlament apo qeveri.
Dhe deri sa disa nga ju, të jeni në burg, personalisht nuk do rresht së luftuari.
Koha ku dekriminalizohet korrupsioni dhe mbrohet padrejtësia do marrë fund, dhe juve të gjithë do bëheni shembulli që do studioheni nga gjeneratat e ardhshme, në mënyrë që ata të jenë të ndërgjegjshëm dhe mos e lejojnë diçka të ndodh më kurrë.” – shkruan Kokalari.
