Pas një viti 2024 me shira të pazakontë, viti 2025 po rezulton të jetë një nga vitet më kritike në frontin ujor për Kilin.
Sipas Greenpeace, reshjet janë ulur me 57.5% nga janari deri më sot krahasuar me mesataren historike, duke ndikuar drejtpërdrejt në disponueshmërinë e ujit, shkruan ANSA, transmeton KosovaPress.
Fenomeni përkeqësohet nga reshjet intensive, por të parregullta, të cilat rrjedhin me shpejtësi pa ndihmuar në rimbushjen e akuifereve.
OJQ-ja vëren se vendi i Andeve renditet i 16-ti në botë për stresin e ujit dhe paralajmëron: “deri në vitin 2050, mund të ketë mungesë uji të pijshëm”.
Rajoni i Coquimbo-s, në Kilin veri-qendror, është më i godituri, me pellgje të reduktuara në më pak se 20% të kapacitetit të tyre.
Një thatësirë që ka zgjatur mbi 15 vjet bëhet edhe më e rëndë nga një model menaxhimi që lë 80% të burimeve ujore në duar private.
“Kriza nuk është më një emergjencë e përkohshme, por një emergjencë strukturore: nevojiten reforma të thella dhe njohja e ujit si një e drejtë njerëzore”, përfundon Greenpeace.
