I njohur për publikun britanik si personazh i dashur e reality show-t The Only Way is Essex, Joey Essex po i futet një sfide të re boksit profesionist
35-vjeçari thotë se kjo është mundësia e tij për të treguar se nuk është “thjesht një budalla televiziv”, duke iu referuar asaj që njerëzit kanë parë lidhur me të: marrëdhënie dashurie, drama personale, thashetheme, dhe një jetë sociale luksoze.
Joey do të debutojë në ring këtë të shtunë në eventin Misfits Boxing 22, ku do të përballet me portugezin, Numeiro. Ai është pjesë e platformës Misfits, e krijuar nga ylli i YouTube-it që sjell ndeshje mes personazheve të famshëm.
Por ndryshe nga shumë të tjerë, Joey ka rrënjë të thella në këtë sport, babai i tij Don ka qenë boksier amator, ndërsa xhaxhai i tij është Tony Sims, trajner i emrave të njohur si Conor Benn dhe më parë Anthony Joshua.
Joey rrëfen se e ka pasur jetën të vështirë që fëmijë, sidomos pas humbjes së nënës në moshën 10-vjeçare, dhe se është rritur mes burrash të fortë ku emocioni shihej si dobësi.
Ai thotë se boksin nuk e bën për famë apo para, por për të treguar forcën e tij të vërtetë. Megjithëse ka vuajtur nga disleksia dhe u ndje i përjashtuar gjatë shkollës, Joey arriti të ndërtonte një karrierë televizive të suksesshme që nga viti 2011.
Tani, thotë se ka refuzuar oferta televizive për t’iu përkushtuar stërvitjes me xhaxhain dhe kushërirën Demi, e cila po ashtu debuton në ring.
“Njerëzit nuk më njohin siç jam. Me boksin po tregoj veten time të vërtetë. Jam këtu për të dominuar”, deklaron ai, në një intervistë për The Sun.
