Gjykata e Durrësit ka lënë burg ish-kreun e IMT-së, Ardian Halili i cili ndërtoi pa leje resortin 5600 m2 te Kepi i Rodonit.
Resorti i ish-kreut të IMT në Durrës, u shemb pasditen e se premtes me shpërthim të kontrolluar.
Forcat xheniere realizuan shembjen e godinës dy katëshe të resortit me 80 kg lende plasese, ndërsa objektet e tjera më të vogla u shembën me fadromë.
Nga verifikimet rezultoi se “Saint Michelle Residence” u ndërtua pa leje në një sipërfaqe prej 5600 m2, ku përfshiheshin 11 kabina tip garsoniere, një godinë 2-katëshe, një fushë minifutbolli dhe një pishinë.
Ndërtimi kishte nisur në vitin 2018, gjatë kohës kur Ardian Halili drejtonte IMT-në e Durrësit, funksion që e mbajti deri në vitin 2021.
