Rihanna ka mbushur njëzet vjet në industrinë e muzikës dhe nëpërmjet një postimi në rrjetet sociale ajo shprehu mirënjohje për rrugën e saj.
Këngëtarja e famshme nga Barbadosi u kujtua për hapat e saj të parë artistikë dhe vendimin për t’u larguar nga atdheu për të ndjekur ëndrrën e saj për një karrierë në skenën globale muzikore.
Në postimin e saj në Instagram, Rihanna përfshiu edhe një video me këngët e saj të famshme, në të cilën sukseset që ka arritur pasqyrohen në shifra.
“20 vjet më parë lashë vendin tim, kulturën time, ushqimin tim dhe familjen time për të nisur një udhëtim që filloi me publikimin e veprës sime të parë muzikore! Shumë prej jush kanë qenë pjesë e jetës dhe karrierës sime që nga fillimi, dhe shumë të tjerë i janë bashkuar aventurës gjatë rrugës. Ju jam përjetësisht mirënjohëse. Secili prej jush ka luajtur një rol vendimtar në drejtimin ku më ka çuar ky udhëtim deri më sot”, shkroi këngëtarja në rrjetin social instagram
Këngëtarja 37-vjeçare nuk hezitoi të falënderonte fansat e saj që kanë treguar dashurinë dhe mbështetjen e tyre gjatë viteve, ndërsa shprehu mirënjohjen e saj ndaj Zotit: “Doja vetëm ta shfrytëzoja këtë moment për t’ju falënderuar. Faleminderit për 20 vitet e para më të mrekullueshme. 20 vjet me fansat më besnikë dhe të përkushtuar që nuk bëjnë shaka me mua, 20 vjet punë të palodhur dhe ekipe që punojnë shumë përreth meje, 20 vjet mësime, 20 vjet përvoja dhe arritje të paharrueshme, 20 vjet me familjen time si sistemi im numër një mbështetës, dhe të gjithë atyre që më thanë “po” dhe më dhanë një shans para se të bëhej “në modë” (ekzekutivë, DJ, tekstshkrues, producentë, valltarë, koreografë, regjisorë, stilistë mode, fotografë, ekspertë glam, gazetarë, marka, mentorë, etj.) – 20 vjet plot falënderime për të gjithë ju. Falënderoj Zotin, i cili ka qenë kaq bujar me mua, dhe lavdia i takon Atij.”
