Gabriel Lluca dhe Denis Korbi, të dy 24-vjeçarë, janë të rinjtë që humbën jetën në aksidentin tragjik të ndodhur në orët e para të mëngjesit të së dielës në Peqin.
Në moshën vetëm 8-vjeçare, Gabriel Lluca i mbijetoi një aksidenti të rëndë pranë shkollës “Demir Godelli” në Peqin, aty ku ndodhet edhe banesa e familjes.
Një automjet i kishte kaluar mbi trup, duke i shkaktuar plagë të rënda dhe fraktura të shumta, por mrekullisht ai ia doli të jetojë, duke prekur zemrat e gjithë atyre që ndoqën historinë e tij të dhimbshme të mbijetesës.
Por këtë fundgushti, fati nuk e kurseu. Në të njëjtin qytet ku dikur i kishte shpëtuar vdekjes, 24-vjeçari humbi jetën pas një aksidenti tragjik automobilistik, të Peqinit.
Lajmi ka tronditur familjen, miqtë dhe bashkëmoshatarët, që e kujtojnë Gabrielin si një djalë plot energji, të dashur dhe gjithmonë me buzë në fytyrë. Ai ishte një nga katër fëmijët e familjes Lluca, e cila tre vite më parë përjetoi edhe një tjetër humbje të rëndë, ndarjen nga jeta të babait, Agron Lluca.
