Një marinar egjiptian i një trageti të ankoruar në Portin e Vlorës është dëmtuar në krah nga goditja e një litari që u këput si pasojë e motit të keq një ditë më parë.
Marinari 34-vjeçar M.E. pësoi dëmtime të rënda në krah dhe është dërguar në spital, kurse policia e Vlorës ka nisur hetimet për këtë ngjarje.
Marinari ka qenë duke zgjidhur litarët e tragetit, teksa si pasojë e stuhisë njëri prej litarëve dyshohet se u këput aksidentalisht duke goditur në krah 34-vjeçarin.
“U referuan materiale për vlerësim, pasi më datë 30.08.2025, shtetasi egjiptian M. E., 34 vjeç, marinar i një trageti, gjatë tentativës për të zgjidhur cimat (litarët), njëra prej tyre dyshohet se është këputur aksidentalisht për shkak të motit të keq dhe si pasojë, ka pësuar dëmtim të rëndë në pjesën e krahut. Materialet iu referuan Prokurorisë, për veprime të mëtejshme”, njofton Policia e Vlorës.
