Trend i paparë që po pushton stilin e yjeve
Vajzat e stilizuara i konsiderojnë getet e kuqe si pjesën kyçe të këtij sezoni. E kuqja është një ngjyrë me histori të pasur në botën e modës: thonjtë e kuq, buzëkuqi i kuq dhe këpucët e kuqe gjithmonë kanë qenë simbole që tërheqin vëmendje.
Tani është koha që getet e kuqe të ndezura të tërheqin vëmendjen dhe të fitojnë primatin. Të famshmet, përfshirë Valentina Ferangi, Kylie Jenner, Anya Taylor Joy dhe Elle Fanning, kanë veshur gete të kuqe të ndezura me stil.
Stilistët e rrugës janë parë gjithashtu duke përvetësuar këtë trend në javët e modës në metropolet botërore. Gjithashtu, Chloë Sevigny veshi një palë gete të kuqe të ndezura teksa pozonte për faqen e parë të “Vogue”-s franceze.
Por si ia dalin këto trendsetere të mbajnë kaq lehtësisht një pjesë gardërobe kaq të guximshme?
Shumë prej tyre zgjedhin të zbusin efektin e ngjyrës së ndezur duke i kombinuar me rroba të zeza, duke krijuar një pamje monokromatike elegante. Një këshillë tjetër profesionale është t’i bashkoni me një copë veshjeje në ngjyra më të errëta, duke krijuar kontrast të bukur me të kuqen e ndezur.
Ndryshe nga çorapet klasike që zakonisht përdoren për të mbuluar këmbët dhe për të kaluar pa vënë re, getet e kuqe i vënë këmbët në qendër të vëmendjes dhe i japin gjallëri një kombinimi të thjeshtë.
As skenat e modës nuk kanë mbetur imune ndaj këtij trendi. Shtëpia e modës Valentino, e njohur për “të kuqen Valentino”, prezantoi getet e kuqe, të ndjekura më pas edhe nga koleksionet e vjeshtës të Jacquemus, Dolce & Gabbana, Givenchy dhe Burberry.
Këshilla e fundit: Bëhuni të guximshme dhe lini që gëzimi i ngjyrës së kuqe të lërë një përshtypje pozitive kudo që të shfaqeni!
