Klubet e Premier League kanë dëshmuar edhe njëherë se nuk njohin kufij financiarë.
Sesioni veror i afatit kalimtar, i cili sapo është mbyllur, ka regjistruar një shifër rekord prej 3.56 miliardë eurosh të shpenzuara për kartonë lojtarësh.
Një pjesë e madhe e kësaj shifre i përket Liverpoolit, që ka investuar plot 489 milionë euro për afrimet e bujshme si:
Alexander Isak – 150 mln €
Florian Wirtz – 125 mln €
Hugo Ekitike – 95 mln €
Milos Kerkez – 46.9 mln €
Jeremie Frimpong – 40 mln €
Geovanni Leoni – 31 mln €
Edhe klubet e tjera të mëdha nuk kanë mbetur pas. Manchester City, Manchester United, Arsenal, Tottenham, Chelsea dhe Newcastle kanë lëvizur fuqishëm në treg me transferime të tilla si:
Nick Woltemade – 85 mln €
Benjamin Sesko – 76.5 mln €
Martin Zubimendi – 70 mln €
Xavi Simons – 65 mln €
Joao Pedro – 63.7 mln €
Mesatarisht, një skuadër e Premier League ka shpenzuar mbi 178 milionë euro këtë verë.
Në krahasim me ligat e tjera të mëdha evropiane, vetëm Serie A ka ndjekur ritmin e lartë me 1.19 miliardë euro të shpenzuara.
Më pas vijnë Bundesliga me 856.03 milionë, La Liga me 683.02 milionë euro, ndërsa në fund renditet Ligue 1 franceze me 636.51 milionë euro.
