Një ngjarje tragjike ka tronditur qytetin e Xhenovës natën mes së dielës dhe të hënës. Evelinndel Moori Chamorro, një 30-vjeçare nga Peruja, humbi jetën pasi ra nga kati i gjashtë i banesës ku jetonte me partnerin e saj italian.
Hetuesit e Skuadrës Fluturuese, nën drejtimin e prokurorit Giuseppe Longo, po hetojnë mundësinë që e reja të jetë dhunuar brutalisht përpara se të hidhej nga ballkoni.
Rezultatet paraprake të autopsisë kanë zbuluar dëmtime më të shumta nga sa u konstatuan fillimisht, mes tyre fraktura shtesë përveç këmbës dhe brinjës së thyer. Ky fakt ka rritur dyshimet mbi rrethanat e vdekjes së saj.
Partneri i viktimës, një italian 32-vjeçar, është vënë nën hetim për vrasje të paqëllimshme, në mënyrë që hetimet të vijojnë dhe të caktohet një ekspert mjeko-ligjor. Në të njëjtën kohë, policia po merr në pyetje dëshmitarë dhe të afërm për të rindërtuar dinamikën e plotë të ngjarjes.
