Modelja e njohur ndërkombëtarisht, Stella Maxwell, ka qenë një nga yjet që ka tërhequr më shumë vëmendjen në tapetin e kuq të Festivalit të Filmit në Venecia.
Ajo u shfaq me një fustan të bardhë elegant, me prerje moderne dhe një çarje të thellë në këmbë, që i dha paraqitjes së saj një kombinim mes finesës klasike dhe guximit.
Pamja e saj u vlerësua gjerësisht nga mediat si një nga më të bukurat e mbrëmjes, duke e bërë atë të spikasë në mesin e shumë personaliteteve të njohura të artit dhe kinematografisë botërore.
Me këtë paraqitje, Maxwell dëshmoi edhe njëherë statusin e saj si ikonë mode, duke udhëhequr shkëlqimin e tapetit të kuq në premierën e filmit “Duse”, një nga momentet më të komentuara të festivalit.
