Thashethemet për një romancë mes aktorit Austin Butler dhe modeles Emily Ratajkowski po bëhen gjithnjë e më të zëshme.
Dy 34-vjeçarët u fotografuan së bashku mbrëmjen e së premtes, më 5 shtator, gjatë një darke në New York, sipas një imazhi të publikuar nga blogu i njohur i të famshmëve, Deux Moi.
Sipas informacioneve, çifti ishte ulur në restorantin e njohur The Waverly Inn. Kjo nuk është hera e parë që shihen bashkë kohët e fundit. Më shumë se një javë më parë, ata ishin fotografuar në një afterparty.
Bëhet fjalë konkretisht për premierën e filmit të ri të Austin Butler, Caught Stealing, ku në disa nga fotot e publikuara, aktori duket i përkulur drejt Emily Ratajkowski, ndërsa ajo shikon në një drejtim tjetër.
Ndërkohë, zërat për një lidhje të mundshme mes Butler dhe bashkëaktoren Zoë Kravitz janë mohuar, pasi të dy janë vetëm miq dhe bashkëpunëtorë.
Për Ratajkowski, vëmendja ndaj jetës së saj personale nuk është diçka e re, në mars të vitit 2023, ajo kishte nxitur spekulime për një romancë me Harry Styles pas një puthjeje publike.
