Që nga vendosja e euros në Kroaci, çmimi i ushqimit është rritur ndjeshëm më shumë se mesatarja evropiane.
Në vjeshtë 2022, kur kroatët paguanim me valutën e tyre nacionale, me 100 kuna mund të blinin shtatë produkte shtëpiake, por tri vjet më vonë ata përballen me çmime dukshëm më të larta në euro.
Sot, e njëjta shportë nuk kushton më 100 kuna, por pothuajse 20 euro ose gati 50 për qind më e shtrenjtë.
Në listë janë përfshirë qepa e kuqe, mish gjeldeti i grirë, pure domatesh, oriz, kos, letra higjienike dhe shamponi.
Çmimet e produkteve të njëjta në të njëjtin market në vitin 2022 ishin më të lira krahasuar me ato në valutën euro tri vjet më vonë.
Edhe pse qeveria kroate që atëherë ka kufizuar çmimet e disa produkteve, siç është pureja e domates dhe orizi, nuk në listë nuk ekziston në asnjë artikull i mbetur në të njëjtin nivel.
Në total, kroatët paguan 19.90 euro për këto shtatë produkte, ndërsa tri vjet më parë të njëjtit artikuj kushtonin 100 kuna e 43 lipa ose 13.33 euro, që paraqet rritje 49.4 për qind.
Shamponi 350 mililitra është shtrenjtuar më së shumti – dikur kushtonte 11,99 kuna ose 1.59 euro, ndërsa tani 3 euro e 89 centë, transmeton KosovaPress.
Qepa e kuqe 1 kilogram në vitin 2022 kushtonte 3.99 kuna ose 53 centë, ndërsa tash 85 centë, pure domatesh – 500 gramë 3.99 kuna ose 53 centë, ndërsa tash 0.99 centë.
Orizi 1 kilogram 13.99 kuna ose 1.86 centë, tash 1.99 euro. Jogurti 1 litër, 2,8 për qind yndyrë – 8.49 kuna ose 1 euro e 13 centë, ndërsa tash 1 euro e 69 centë.
Letra për tualet me tri shtresa 16/1, më 2022 kushtonte 29,99 kuna ose 3.98 euro, ndërsa tash 4 euro e 99 centë. Mish gjeldeti i grirë 500 gramë, nga 27,99 kuna (3.71 euro) në vitin 2022, tash kushton 5 euro e 49 centë.
Fuqia blerëse ka rënë ndjeshëm, që do të thotë se kroatët mund të blejnë dukshëm më pak për të njëjtat gjëra para sesa tri vjet më parë. Kjo rënie, e kombinuar me rritjen e çmimeve, ndihet nga pothuajse çdo buxhet familjar – paratë vlejnë më pak, dhe kostoja e jetesës është vazhdimisht në rritje, raportojnë mediat kroate.
