Norvegjezët i drejtohen sot kutive të votimit në ditën e parë të zgjedhjeve parlamentare, që do të zgjasin dy ditë.
Bëhet fjalë për një garë të ngushtë mes një aleance të majtë të udhëhequr nga Partia e Punës në pushtet dhe një aleance të djathtë, të udhëhequr nga Partia Popullore e Progresit dhe Partia Konservatore.
Të paktën nëntë parti politike pritet të fitojnë vende në parlamentin norvegjez, ndërkohë që qendrat e votimit do të mbyllen mbrëmjen e së hënës.
Megjithatë, vetëm tre liderë të partive kryesore janë kandidatë për postin e kryeministrit. Çështjet kryesore që kanë dominuar fushatën elektorale janë kostoja e jetesës, taksat dhe shërbimet publike, si dhe ndikimi i krizës energjetike në Evropë.
Një tjetër temë kyçe ka qenë edhe menaxhimi i fondit sovran të mirëqenies së Norvegjisë, i cili kap vlerën prej 2 trilionë dollarësh.
